Joseph Kenny OP: Canticle, Is 42:10-16 (Hebrew)

Isaiah 42:10-16

Monday Morning 4

שִׁירוּ לַיהוָה שִׁיר חָדָשׁ	תְּהִלָּתוֹ מִקְצֵה הָאָרֶץ
יוֹרְדֵי הַיָּם וּמְלֹאוֹ	אִיִּים וְיֹשְׁבֵיהֶם

יִשְׂאוּ מִדְבָּר וְעָרָיו	חֲצֵרִים תֵּשֵׁב קֵדָר
יָרֹנּוּ יֹשְׁבֵי סֶלַע	מֵרֹאשׁ הָרִים יִצְוָחוּ
יָשִׂימוּ לַיהוָה כָּבוֹד	וּתְהִלָּתוֹ בָּאִיִּים יַגִּידוּ

יְהוָה כַּגִּבּוֹר יֵצֵא	כְּאִישׁ מִלְחָמוֹת יָעִיר קִנְאָה
יָרִיעַ אַף־יַצְרִיחַ	עַל־אֹיְבָיו יִתְגַּבָּר

הֶחֱשֵׁיתִי מֵעוֹלָם	אַחֲרִישׁ אֶתְאַפָּק
כַּיּוֹלֵדָה אֶפְעֶה	אֶשֹּׁם וְאֶשְׁאַף יָחַד

אַחֲרִיב הָרִים וּגְבָעוֹת	וְכָל־עֶשְׂבָּם אוֹבִישׁ
וְשַׂמְתִּי נְהָרוֹת לָאִיִּים	וַאֲגַמִּים אוֹבִישׁ