Jeremiah 31:10-14

Thursday Morning 1

שִׁמְעוּ דְבַר־יְהוָה גּוֹיִם		וְהַגִּידוּ בָאִיִּים מִמֶּרְחָק
	וְאִמְרוּ

מְזָרֵה יִשְׂרָאֵל יְקַבְּצֶנּוּ	וּשְׁמָרוֹ כְּרֹעֶה עֶדְרוֹ
כִּי־פָדָה יְהוָה אֶת־יַעֲקֹב	וּגְאָלוֹ מִיַּד חָזָק מִמֶּנּוּ

וּבָאוּ וְרִנְּנוּ בִמְרוֹם־צִיּוֹן	וְנָהֲרוּ אֶל־טוּב יְהוָה
עַל־דָּגָן וְעַל־תִּירֹשׁ וְעַל־יִצְהָר	וְעַל־בְּנֵי־צֹאן וּבָקָר

וְהָיְתָה נַפְשָׁם כְּגַן רָוֶה	וְלֹא־יוֹסִיפוּ לְדַאֲבָה עוֹד
אָז תִּשְׂמַח בְּתוּלָה בְּמָחוֹל	וּבַחֻרִים וּזְקֵנִים יַחְדָּו

וְהָפַכְתִּי אֶבְלָם לְשָׂשׂוֹן	וְנִחַמְתִּים וְשִׂמַּחְתִּים מִיגוֹנָם
וְרִוֵּיתִי נֶפֶשׁ הַכֹּהֲנִים דָּשֶׁן	וְעַמִּי אֶת־טוּבִי יִשְׂבָּעוּ