Joseph Kenny OP: The Psalms, 16 (Hebrew)

Psalm 16

Eve of Sunday 2, Thursday Compline

שָׁמְרֵנִי אֵל	כִּי־חָסִיתִי בָךְ
אָמַרְתְּ לַ־יהוָה	אֲדֹנָי אָתָּה	טוֹבָתִי בַּל־עָלֶיךָ

לִקְדוֹשִׁים אֲשֶׁר־בָּאָרֶץ הֵמָּה	וְאַדִּירֵי כָּל־חֶפְצִי־בָם
יִרְבּוּ עַצְּבוֹתָם	אַחֵר מָהָר
וּבַּל־אַסִּיךְ נִסְכֵּיהֶם מִדָּם	וּבַל־אֶשָּׂא אֶת־שְׁמוֹתָם עַל־שְׂפָתָי

יְהוָה מְנָת־חֶלְקִי וְכוֹסִי	אַתָּה תּוֹמִיךְ גּוֹרָלִי
חֲבָלִים נָפְלוּ־לִי בַּנְּעִמִים	אַף־נַחֲלָת שָׁפְרָה עֵלִי

אֲבָרֵךְ אֶת־יְהוָה אֲשֶׁר יְעָצָנִי	אַף־לֵילוֹת יִסְּרוּנִי כִלְיוֹתָי
שִׁוִּיתִי יְהוָה לִנְגִידִי תָמִיד	כִּי מִימִינִי בַּל־אֶמּוֹט
לָכֵן שָׂמַח לִבִּי וַיָּגֶל כְּבֵדִי	אַף־בְּשָׂרִי יִשְׁכֹּן לָבֶטַח

כִּי לֹא־תַעֲזֹב נַפְשִׁי לִשְׁאוֹל	לֹא־תִתֵּן חֲסִידְךָ לִרְאוֹת שָׁחַת
תּוֹדִיעֵנִי אֹרַח חַיִּים	שֹׂבַע שְׂמָחוֹת אֶת־פָּנֶיךָ	נְעִמוֹת בִּימִינְךָ נֶצַח