Joseph Kenny OP: The Psalms, 56 (Hebrew)

Psalm 56

Thursday Midday 2

חָנֵּנִי אֱלֹהִים

כִּי־שְׁאָפַנִי אֱנוֹשׁ

כָּל־הַיּוֹם	לֶחֵם יִלְחָצֵנִי
שָׁאֲפוּ שׁוֹרְרַי כָּל־הַיּוֹם	כִּי־רַבִּים לֹחֲמִים לִי

מָרוֹם יוֹם אִירָא

אֲנִי אֵלֶיךָ אֶבְטָח

בֵּאלֹהִים אֲהַלֵּל דְּבָרוֹ	בֵּאלֹהִים בָּטַחְתִּי
לֹא אִירָא	מַה־יַּעֲשֶׂה בָשָׂר לִי

כָּל־הַיּוֹם דֹּבְרַי יְעַצֵּבוּ	עָלַי כָּל־מַחְשְׁבֹתָם
לָרָע יָגוּרוּ יַצְפִּינוּ	הֵמָּה עֲקֵבַי יִשְׁמֹרוּ	כְּאוֹשֶׁר קִוּוּ נַפְשִׁי

עַל־אָוֶן פַּלֶּט־לָמוֹ	בְּאַף עַמִּים הוֹרֵד אֱלֹהִים
נֹדִי סָפַרְתָּה אָתָּה	שִׂימָה דִמְעָתִי בְנֹאדֶךָ	הַלאֵ בְּסִפְרָתֶךָ

אָז יָשׁוּבוּ אוֹיְבַי	אָחוֹר בְּיוֹם אֶקְרָא
זֶה־יָדַעְתִּי	כִּי־אֱלֹהִים לִי

בֵּאלֹהִים אֲהַלֵּל דֹּבֵר	בַּיהוָה אֲהַלֵּל דֹּבֵר
בֵּאלֹהִים בָּטַחְתִּי	לֹא אִירָא	מַה־יַּעֲשֶׂה אָדָם לִי

עֵלִי אֱלֹהִים

נְדָרֶיךָ אֲשַׁלֵּם

תּוֹדֹת לָךְ

כִּי הִצַּלְתָּ נַפְשִׁי מִמָּוֶת	הַלוֹא רַגְלַי מִדֶּחִי
לְהִתְהַלֵּךְ לִפְנֵי אֱלֹהִים	בְּאוּר הַחַיִּים