Joseph Kenny OP: The Psalms, 63 (Hebrew)

Psalm 63

Sunday Morning 1

אֱלֹהִים אֵלִי

אַתָּה אֲשַׁחַר

כִּי־צָמְאָה לְךָ נַפְשִׁי	כָּמַה לְךָ בְשָׂרִי
בְּאֶרֶץ־צִיָּה עָיֹף	בֻּלֵי־מָיִם
כֵּן בַּקֹּדֶשׁ חֲזִיתִיךָ	לִרְאוֹת עֻזְּךָ וּכְבוֹדֶךָ
כִּי־טוֹב חַסְדְּךָ מֵחַיִּי	מִשְׂפָתַי יְשַׁבְּחוּנְךָ
כֵּן אֲבָרֶכְךָ בְחַיָּי	בְּשָׁמֶךָ אֶשָּׂא כַפָּי

כִּימוֹ חֵלֶב וָדֶשֶׁן	תִּשְׂבַּע נַפְשִׁי
וְשִׂפְתֵי רְנָנוֹת	יְהַלֶּל־פִּי

אִם־זְכַרְתִּיךָ עַל־יְצוּעָי	בְּאַשְׁמֻרוֹת אֶהְגֶּה־בָּךְ
כִּי־הָיִיתָ עֶזְרָתָה לִּי	וּבְצֵל כְּנָפֶיךָ אֲרַנֵּן
דָּבְקָה נַפְשִׁי אַחֲרֶיךָ	בִּי תָּמְכָה יְמִינֶךָ
וְהֵמָּה לְשׁוֹאָה יְבַקְשׁוּ נַפְשִׁי	יָבֹאוּ בְּתַחְתִּיּוֹת הָאָרֶץ
יַגִּירֻהוּ עַל־יְדֵי־חָרֶב	מְנָת שֻׁעָלִים יִהְיוּ

וְהַמֶּלֶךְ יִשְׂמַח בֵּאלֹהִים

יִתְהַלֵּל כָּל־הַנִּשְׁבָּע בּוֹ

כִּי יִסָּכֵר פִּי דוֹבְרֵי־שָׁקֶר