Joseph Kenny OP: The Psalms, 73 (Hebrew)

Psalm 73

Monday Readings 4

אַךְ טוֹב לְ־יִשְׂרָאֵל אֱלֹהִים

לְבָרֵי לֵבָב

וַאֲנִי כִּמְעַט נָטָוֻי רַגְלָי	כְּאַיִן שֻׁפְּכָה אֲשֻׁרָי
כִּי־קִנֵּאתִי בַּהוֹלְלִים	שְׁלוֹם רְשָׁעִים אֶרְאֶה

כִּי אֵין חַרְצֻבּוֹת	לָמוֹ־תָם וּבָרִיא אוּלָם
בַּעֲמַל אֱנוֹשׁ אֵינֵמוֹ	וְעִם־אָדָם לֹא יְנֻגָּעוּ

לָכֵן עֲנָקַתְמוֹ גַאֲוָה	יַעֲטָף־שִׁית חָמָס לָמוֹ
יָצָא מֵחֵלֶב עֵינֵמוֹ	עָבְרוּ מַשְׂכִּיּוֹת לֵבָב

יָמִיקוּ וִידַבְּרוּ בְרָע	עֹשֶׁק מִמָּרוֹם יְדַבֵּרוּ
שַׁתּוּ בַשָּׁמַיִם פִּיהֶם	וּלְשׁוֹנָם תִּהֲלַךְ בָּאָרֶץ

לָכֵן יִשְׁבְעוּ־ם הֲלֹם	וּמֵי מָלֵא יָמוֹצּוּ לָמוֹ
וְאָמְרוּ אֵיכָה יָדַע־אֵל	וְיֵשׁ דֵּעָה בְעֶלְיוֹן

הִנֵּה־אֵלֶּה רְשָׁעִים

וְשַׁלְוֵי עוֹלָם הִשְׂגּוּ־חָיִל

אַךְ־רִיק זִכִּיתִי לְבָבִי	וָאֶרְחַץ בְּנִקָּיוֹן כַּפָּי
וָאֱהִי נָגוּעַ כָּל־הַיּוֹם	וְתוֹכַחְתִּי לַבְּקָרִים

אִם־אָמַרְתִּי אֲסַפְּרָה כְמוֹ	הִנֵּה דוֹר בָּנֶיךָ בָגָדְתִּי
וָאֲחַשְּׁבָה לָדַעַת זֹאת	עָמָל הִיא בְעֵינָי
עַד־אָבוֹא אֶל־מִקְדְּשֵׁי־אֵל	אָבִינָה לְאַחֲרִיתָם

אַךְ בַּחֲלָקוֹת תִּשְׁתְּלֵמוֹ	הִפַּלְתָּם לְמַשּׁוּאוֹת
אֵיךְ הָיוּ לְשַׁמָּה כְרָגַע	סֻפוּ תַמּוּ מִן־בַּלָּהוֹת
כַּחֲלוֹם מֵהָקִיץ אֲדֹנָי	בָּעִיר צַלְמָם תִּבְזֶה

כִּי יִתְחַמֵּץ לְבָבִי	וְכִלְיוֹתַי אֶשְׁתּוֹנָן
וַאֲנִי־בַעַר וְלֹא אֵדָע	בְּהֵמוֹת הָיִיתִי עִמָּךְ
וַאֲנִי תָמִיד עִמָּךְ	אָחַזְתָּ בְּיַד־יְמִינִי
בַּעֲצָתְךָ תַנְחֵנִי	וְאַחַר כָּבוֹד תִּקָּחֵנִי

מִי־לִי בַשָּׁמָיִם	וְעִמְּךָ	לֹא־חָפַצְתִּי בָאָרֶץ
כָּלָה שְׁאֵרִי וּלְבָבִי צוּר	לְבָבִי וְחֶלְקִי אֱלֹהִים לְעוֹלָם
כִּי־הִנֵּה רְחֵקֶיךָ יֹאבֵדוּ	הִצְמַתָּה כָּל־זוֹנֶה מִמֶּךָּ

וַאֲנִי קִרֲבַת אֱלֹהִים לִי־טוֹב

שַׁתִּי בַּאדֹנָי יְהֹוִה מַחְסִי

לְסַפֵּר כָּל־מַלְאֲכוֹתֶיךָ