Joseph Kenny OP: The Psalms, 75 (Hebrew)

Psalm 75

Wednesday Midday 3

הוֹדִינוּ לְּךָ אֱלֹהִים

הוֹדִינוּ וְקָרוֹב

שָׁמֶךָ סִפְּרוּ נִפְלְאוֹתֶיךָ

כִּי אֶקַּח מוֹעֵד	אֲנִי מֵישָׁרִים אֶשְׁפֹּט
נְמֹגִים אֶרֶץ	וְכָל־יֹשְׁבֶיהָ	אָנֹכִי תִכַּנְתִּי עַמּוּדֶיהָ

אָמַרְתִּי לַ־הוֹלְלִים אַל־תָּהֹלּוּ	וְלָרְשָׁעִים אַל־תָּרִימוּ קָרֶן
אַל־תָּרִימוּ לַמָּרוֹם קַרְנְכֶם	תְּדַבְּרוּ בְצַוָּאר עָתָק

כִּי לֵא מִמּוֹצָא וּמִמַּעֲרָב	וְלֵא מִמִּדְבַּר הָרִים
כִּי־אֱלֹהִים שֹׁפֵט	זֶה יַשְׁפִּיל וְזֶה יָרִים

כִּי כוֹס בְּיַד־יְהוָה	וְיַיִן חָמַר מָלֵא	מָסֶךְ וַיַּגֵּר מִזֶּה
אֵךְ־שְׁמָרֶיהָ יִמְצוּ	יִשְׁתּוּ כֹּל רִשְׁעֵי־אָרֶץ

וַאֲנִי אַגַּדֵּל עֹלָם	אֲזַמְּרָה לֵאלֹהֵי יַעֲקֹב
וְכָל־קַרְנֵי רְשָׁעִים אֲגַדֵּעַ	תְּרוֹמַמְנָה קַרְנוֹת צַדִּיק