Psalm 93

Sunday Morning 3

יְהוָה מָלָךְ        גֵּאוּת לָבֵשׁ

לָבֵשׁ יְהוָה        עֹז הִתְאַזָּר

אַף־תִּכּוֹן תֵּבֵל        בַּל־תִּמּוֹט

נָכוֹן כִּסְאֲךָ מֵאָז        מֵעוֹלָם אָתָּה

נָשְׂאוּ נְהָרוֹת יְהוָה

נָשְׂאוּ נְהָרוֹת קוֹלָם

יִשְׂאוּ נְהָרוֹת דָּכְיָם

מִקֹּלוֹת מַיִם רַבִּים

אַדִּירִים מִשְׁבְּרֵי־יָם

אַדִּיר בַּמָּרוֹם יְהוָה

עֵדֹתֶיךָ נֶאֶמְנוּ מָאֵד

לְבֵיתְךָ נַאֲוָה־קֹדֶשׁ

יְהוָה לְאֹרֶךְ יָמִים

To English