Joseph Kenny OP: The Psalms, 105 (Hebrew)

Psalm 105

Saturday Readings 1 Seasonal

הַלְלוּ־יָהּ

הוֹדוּ לַיהוָה קִרְאוּ בִּשְׁמוֹ		הוֹדִיעוּ בָעַמִּים עֲלִילוֹתָיו
שִׁירוּ־לוֹ זַמְּרוּ־לוֹ		שִׂיחוּ בְּכָל־נִפְלְאוֹתָיו
הִתְהַלְלוּ בְּשֵׁם קָדְשׁוֹ		יִשְׂמַח לֵב מְבַקְשֵׁי יְהוָה

דִּרְשׁוּ יְהוָה וְעֻזּוֹ	בַּקְּשׁוּ פָנָיו תָּמִיד
זִכְרוּ נִפְלְאוֹתָיו אֲשֶׁר־עָשָׂה	מֹפְתָיו וּמִשְׁפְּטֵי־פִיו
זֶרַע אַבְרָהָם עַבְדּוֹ	בְּנֵי יַעֲקֹב בְּחִירִי

וְהוּא יְהוָה אֱלֹהֵינוּ	בְּכָל־הָאָרֶץ מִשְׁפָּטָיו
זָכַר לְעוֹלָם בְּרִיתוֹ	דָּבָר צִוָּה לְאֶלֶף דּוֹר
אֲשֶׁר כָּרַת אֶת־אַבְרָהָם	וּשְׁבוּעָתוֹ לְיִשְׂחָק

וַיַּעֲמִידֶהָ לְיַעֲקֹב לְחֹק	לְיִשְׂרָאֵל בְּרִית עוֹלָם
לֵאמֹר לְךָ אֶתֵּן אֶת־אֶרֶץ	כְּנָעַן חֶבֶל נַחֲלַתְכֶם

בִּהְיוֹתָם מְתֵי מִסְפָּר	כִּי־מְעַט וְגָרִים בָּהּ
וַיִּתְהַלְּכוּ מִגּוֹי אֶל־גּוֹי	מִמַּמְלָכָה אֶל־עַם אַחֵר

לֹא־הִנִּיחַ אָדָם לְעָשְׁקָם	וַיּוֹכַח עֲלֵיהֶם מְלָכִים
אַל־תִּגְּעוּ בִמְשִׁיחָי	וְלִנְבִיאַי אַל־תָּרֵעוּ

וַיִּקְרָא רָעָב עַל־הָאָרֶץ

כָּל־מַטֵּה־לֶחֶם שָׁבָר

שָׁלַח לִפְנֵיהֶם אִישׁ	לְעֶבֶד נִמְכַּר יוֹסֵף
עִנּוּ בַכֶּבֶל רַגְלֵי	וּבַרְזֶל בָּאָה נַפְשׁוֹ

עַד־עֵת בֹּא־דְבָרוֹ	אִמְרַת יְהוָה צְרָפָתְהוּ
שָׁלַח מֶלֶךְ וַיַתִּירֵהוּ	מֹשֵׁל עַמִּים וַיְפַתְּחֵהוּ

שָׂמוֹ אָדוֹן לְבֵיתוֹ	וּמֹשֵׁל בְּכָל־קִנְיָנוֹ
לֶאוֹסִיר שָׂרָיו בְּנַפְשׁוֹ	וּזְקֵנָיו יְחַכֵּם

וַיָּבֹא יִשְׂרָאֵל מִצְרָיִם	וְיַעֲקֹב גָּר בְּאֶרֶץ־חָם
וַיֶּפֶר אֶת־עַמּוֹ מְאֹד	וַיַּעֲצִמֵהוּ מִצָּרָיו
הָפַךְ לִבָּם לִשְׂנֹא עַמּוֹ	לְהִתְנַכֵּל בַּעֲבָדָיו

שָׁלַח מֹשֶׁה עַבְדּוֹ	אַהֲרֹן אֲשֶׁר בָּחַר־בּוֹ
שָׂמוּ־בְּמִדְבָרִי אֹתוֹתָיו	וּמֹפְתִים בְּאֶרֶץ חָם

שָׁלַח חֹשֶׁךְ וַיַּחְשִׁךְ	וְלֹא־אָמְרוּ אֶת־דְּבָרָוו
הָפַךְ אֶת־מֵימֵיהֶם לְדָם	וַיָּמֶת אֶת־דְּגָתָם

שֵׁרֵץ אַרְצָם צְפַרְדְּעִים	בְּחַדְרֵי מַלְכִיהֶם
אָמַר וַיָּבֹא עָרֹב	כִּנִּים בְּכָל־גְּבוּלָם

נָתַן גִּשְׁמֵיהֶם בָּרָד	אָשׁ לֶהָבוֹת בְּאַרְצָם
וַיַּךְ גַּפְנָם וּתְאֵנָתָם	וַיְשַׁבֵּר עֵץ גְּבוּלָם

אָמַר וַיָּבֹא אַרְבֶּה	וְיֶלֶק וְאֵין מִסְפָּר
וַיֹּאכַל כָּל־עֵשֶׂב בְּאַרְצָם	וַיֹּאכַל פְּרִי אַדְמָתָם

וַיַּךְ כָּל־בְּכוֹר בְּאַרְצָם

רֵאשִׁית לְכָל־אוֹנָם

וַיּוֹצִיאֵם בְּכֶסֶף וְזָהָב	וְאֵין בִּשְׁבָטָיו כּוֹשֵׁל
שָׂמַח מִצְרַיִם בְּצֵאתָם	כִּי־נָפַל פַּחְדָּם עֲלֵיהֶם

פָּרַשׂ עָנָן לְמָסָךְ	וְאֵשׁ לְהָאִיר לָיְלָה
שָׁאֲלוּ וַיָּבֵא שְׂלָו	וְלֶחֶם שָׁמַיִם יַשְׂבִּיעֵם
פָּתַח צוּר וַיָּזוּבוּ מָיִם	הָלְכוּ בַּצִּיּוֹת נָהָר
כִּי־זָכַר אֶת־דְּבַר קָדְשׁוֹ	אֶת־אַבְרָהָם עַבְדּוֹ
וַיּוֹצִא עַמּוֹ בְשָׂשׂוֹן	בְּרִנָּה אֶת־בְּחִירָיו

וַיִּתֵּן לָהֶם אַרְצוֹת גּוֹיִם	וַעֲמַל לְאֻמִּים יִירָשׁוּ
בַּעֲבוּר יִשְׁמְרוּ חֻקָּיו	וְתוֹרֹתָיו יִנְצֹרוּ

הַלְלוּ־יָהּ

Readings Advent 1