Joseph Kenny OP: The Psalms, 138 (Hebrew)

Psalm 138

Tuesday Evening 4

אוֹדְךָ בְכָל־לִבִּי	נֶגֶד אֱלֹהִים אֲזַמְּרֶךָּ
אֶשְׁתַּחֲוֶה אֶל־הֵיכַל קָדְשְׁךָ	וְאוֹדֶה אֶת־שְׁמֶךָ

עַל־חַסְדְּךָ וְעַל־אֲמִתֶּךָ	כִּי־הִגְדַּלְתָּ	עַל־כּוֹל שִׁמְךָ אִמְרָתֶךָ
בְּיוֹם קָרָאתִי וַתַּעֲנֵנִי	תַּרְהִבֵנִי בְנַפְשִׁי עֹז

יוֹדוּךָ יְהוָה כָּל־מַלְכֵי־אָרֶץ	כִּי שָׁמְעוּ אִמְרֵי־פִיךָ
וְיָשִׁירוּ בְּדַרְכֵי יְהוָה	כִּי גָדוֹל כְּבוֹד יְהוָה
כִּי־רָם יְהוָה וְשָׁפָל יִרְאֶה	וְגָבֹהַּ מִמֶּרְחָקִי יֵדָע

אִם־אֵלֵךְ בְּקֶרֶב צָרָה	תְּחַיֵּנִי עַל אַף אֹיְבַי
תִּשְׁלַח יָדֶךָ	וְתוֹשִׁיעֵנִי יְמִינֶךָ	יְהוָה יִגְמֹר בַּעוֹדִי

יְהוָה חַסְדְּךָ לְעוֹלָם

מַעֲשֵׂי יָדֶיךָ אַל־תֶּרֶף