Joseph Kenny OP: The Psalms, 141 (Hebrew)

Psalm 141

Eve of Sunday 1

יְהוָה קְרָאתִיךָ	חוּשָׁה לִּי
הַאֲזִינָה קוֹלִי	בְּקָרְאִי־לָךְ

תִּכּוֹן תְּפִלָּתִי	קְטֹרֶת לְפָנֶיךָ
מַשְׂאַת כַּפַּי	מִנְחַת־עָרֶב

שִׁיתָה יְהוָה שָׁמְרָה לְפִי	נִצְּרָה עֵל דַּל שְׂפָתָי
אַל־תַּט־לִבִּי לְדָבָר רָע	לְהִתְעוֹלֵל עֲלִלוֹת בְּרֶשַׁע

אֶת־אִישִׁים פֹּעֲלֵי־אָוֶן	וּבַל־אֶלְחַם בְּמַנְעַמֵּיהֶם
יֶהֶלְמֵנִי־צַדִּיק	חָסִיד וְיוֹכִיחֵנִי
שֶׁמֶן רֹאשׁ אַל־יָנִיר רֹאשִׁי	כִּי־עוֹד וּתְפִלָּתִי בְּרָעוֹתֵיהֶם

נִשְׁמְטוּ בִידֵי־סֶלַע שֹׁפְטֵיהֶם	וְשָׁמְעוּ אֲמָרֵי כִּי נָעֵמוּ
כְּמוֹ פֻלַחַ וּבֻקַעַ בָּאָרֶץ	נִפְזְרוּ עֲצָמֵינוּ לְפִי שְׁאוֹל

כִּי אֵלֶיךָ יְהוִה	אֲדֹנָי עֵינָי
בְּכָה חָסִיתִי אֵל	תָּעִיר נַפְשִׁי

שָׁמְרֵנִי מִידֵי פַח יָקְשׁוּ לִי	וּמִקְּשׁוֹת פֹּעֲלֵי אָוֶן
יִפְּלוּ בְמַכְמֹרָיו רְשָׁעִים יָחַד	אָנֹכִי עַד־אֶעֱבוֹר