SOME PSALMS SET TO MUSIC

Click title to play

Mozart: Vespers for a Confessor

Psalm 110 (Vul 109)

Dixit Dominus Domino meo: * Sede a dextris meis:
donec ponam inimicos tuos * scabellum pedum tuorum.
Virgam virtutis tuae emittet Dominus ex Sion: * dominare in medio inimicorum tuorum.
Tecum principium in die virtutis tuae in splendoribus sanctorum * ex utero ante luciferum genui te.
Juravit Dominus et non paenitebit eum: * Tu es sacerdos in aeternum secundum ordinem Melchisedech.
Dominus a dextris tuis, * confregit in die irae suae regis.
Judicabit in nationibus, implebit ruinas: * conquassabit capita in terra multorum.
De torrente in via bibet: * propterea exaltabit caput.

Psalm 111 (Vul 110)

Confitebor tibi Domine in toto corde meo: * in consilio justorum et congregatione.
Magna opera Domini: * exquisita in omnes voluntates ejus.
Confessio et magnificentia opus ejus: * et justitia ejus manet in saeculum saeculi.
Memoriam fecit mirabilium suorum, * misericors et miserator Dominus: * escam dedit timentibus eum.
Memor erit in saeculum testamenti sui: * virtutem operum suorum annuntiabit populo suo:
ut det illis hereditatem gentium: *opera manuum ejus veritas et judicium.
Fidelia omnia mandata ejus: * confirmata in saeculum saeculi, * facta in veritate et aequitate.
Redemptionem misit populo suo: * mandavit in aeternum testamentum suum.
Sanctum et terribile nome ejus: * initium sapientiae timor Domini.
Intellectus bonus omnibus facientibus eum: * laudatio ejus manet in saeculum saeculi.

Psalm 112 (Vul 111)
Beatus vir qui timet Dominum: * in mandatis ejus volet nimis.
Potens in terra erit semen ejus: * generatio rectorum benedicetur.
Gloria et divitiae in domo ejus: * et justitia ejus manet in saeculum saeculi.
Exortum est in tenebris lumen rectis: * misericors et miserator et justus.
Jucundus homo qui miseretur et commodoat, * disponet sermones suos in judicio: * quia in aeternum non commovebitur.
In memoria aeterna erit justus: * ab auditione mala non timebit.
Paratum cor ejus sperare in Domino, * confirmatum est cor ejus: * non commovebitur donec despiciat inimicos suos.
Dispersit, dedit pauperibus: * justitia ejus manet in saeculum saeculi, * cornu ejus exaltabitur in gloria.
Peccator videbit et irascetur, * dentibus suis fremet et tabescet: * desiderium peccatorum peribit.

Psalm 113 (Vul 112)
Laudate pueri Dominum: * laudate nomen Domini.
Sit nomen Domini benedictum, * ex hoc nunc et usque in saeculum.
A solis ortu usque ad occasum, * laudabile nomen Domini.
Excelsus super omnes gentes Dominus, * et super caelos gloria ejus.
Quis sicut Dominus Deus noster, qui in altis habitat, * et humilia respicit in caelo et in terra?
Suscitans a terra inopem, * et de stercore erigens pauperem:
ut collocet eum cum principibus, * cum principibus populi sui.
Qui habitare facit sterilem in domo, * matrem filiorum laetantem.

Psalm 117 (Vul 116)
Laudate Dominum, omnes gentes: * laudate eum, omnes populi.
Quaniam confirmata est super nos misericordia ejus, * et veritas Domini manet in aeternum.

Magnificat
Magnificat * anima mea Dominum,
et exultavit spiritus * in Deo salutari meo.
Quia respexit super humilitatem ancillae suae, * ecce enim ex hoc beatam me dicent omnes generationes.
Quia fecit mihi magna qui potens est, * et sanctum nomen ejus.
Et misericordia ejus a progenie in progenies * timentibus eum.
Fecit potentiam in brachio suo, * dispersit superbos mente cordis sui.
Deposuit potentes de sede, * et exaltavit humiles.
Esurientes impevit bonis, * et divites dimisit inanes.
Suscepit Israel puerum suum, * recordatus misericordiae suae.
Sicut locutus est ad patres nostros, * Abraham et semini ejus in saecula.

Igor Stravinsky, Symphony of Psalms

Ps 39:13-14 (Vul 38)
Exaudi orationem meam Domine * et deprecationem meam.
Auribus percipe lacrimas meas * ne sileas,
quoniam advena sum apud te et peregrinus * sicut omnes patres mei.
Remitte mihi ut refrigerer * priusquam abeam et amplius non ero.

Ps 40:2-4 (Vul 39)
Expectans expectavi Dominum et intendit mihi * et exaudivit preces meas,
et eduxit me de lacu miseriae et de luto fecis * et statuit super petram pedes meos et direxit gressus meos.
Et inmisit in os meum canticum novum * carmen Deo nostro.
Videbunt multi et timebunt et sperabunt in Domino.

Ps 150
Alleluia. Laudate Dominum in sanctis eius * laudate eum in firmamento virtutis eius.
Laudate eum in virtutibus eius * laudate eum secundum multitudinem magnitudinis eius.
Laudate eum in sono tubae laudate eum in psalterio et cithara * laudate eum in tympano et choro.
Laudate eum in cordis et organo * laudate eum in cymbalis bene sonantibus.
Laudate eum in cymbalis iubilationis. Omnis spiritus laudet Dominum.