Psalm 19bMonday Midday 1
תּוֹרַת יְהוָה תְּמִימָהמְשִׁיבַת נָפֶשׁ
עֵדוּת יְהוָה נֶאֱמָנָהמַחְכִּימַת פֶּתִי
פִּקּוּדֵי יְהוָה יְשָׁרִיםמְשַׂמְּחֵי־לֵב
מִצְוַת יְהוָה בָּרָהמְאִירַת עֵינֵי
מִרְאַת יְהוָה טְהוֹרָהעוֹמֶדֶת לָעַד
מִשְׁפְּטֵי־יְהוָה אֱמֶתצָדְקוּ יַחְדָּו
הַנֶּחֱמָדִים מִזָּהָבוּמִפַּז רָב
וּמְתוּקִים מִדְּבַשׁוְנֹפֶת צוּפִים
גַּם־עַבְדְּךָ נִזְהָר בָּהֶםבְּשָׁמְרָם עֵקֶב רָב
שְׁגִיאוֹת מִי־יָבִיןמִנִּסְתָּרוֹת נַקֵּנִי
גַּם מִזֵּדִים חֲשֹׂךְ עַבְדֶּךָאַל־יִמְשְׁלוּ־בִי
אָז אֵיתָםוְנִקֵּיתִי מִפֶּשַׁע רָב
יִהְיוּ לְרָצוֹן אִמְרֵי־פִי וְהֶגְיוֹן לִבִּי לְפָנֶיךָ יְהוָה צוּרִי וְגֹאֲלִי

To English