Joseph Kenny OP: The Psalms, 26 (Hebrew)

Psalm 26

Friday Midday 1

שָׁפְטֵנִי יְהוָה	כִּי־אֲנִי בְּתֻמִּי הָלַכְתִּי
וּבַיהוָה בָּטַחְתִּי	לֹא אֶמְעָד

בְּחָנֵנִי יְהוָה וְנַסֵּנִי

צְרוֹפָה כִלְיוֹתַי וְלִבִּי

כִּי־חַסְדְּךָ לְנֶגֶד עֵינָי	וְהִתְהַלַּכְתִּי בַּאֲמִתֶּךָ
לֹא־יָשַׁבְתִּי עִם־מְתֵי־שָׁוְא	וְעִם נַעֲלָמִים לֹא אָבוֹא
שָׂנֵאתִי קְהַל מְרֵעִים	וְעִם־רְשָׁעִים לֹא אֵשֵׁב

אֶרְחַץ בְּנִקָּיוֹן כַּפָּי	וַאֲסֹבְבָה אֶת־מִזְבַּחֲךָ יְהוָה
לַשְׁמִעַ בְּקוֹל תּוֹדָה	וּלְסַפֵּר כָּל־נִפְלְאוֹתֶיךָ

יְהוָה אָהַבְתִּי־ם עוּן בֵּיתֶךָ	וּמְקוֹם מִשְׁכַּן כְּבוֹדֶךָ
אַל־תֶּאֱסֹף עִם־חַטָּאִים נַפְשִׁי	וְעִם־אַנְשֵׁי דָמִים חַיָּי
אֲשֶׁר־בִּיַדִיהֶם זִמָּה	וִימִינָם מָלְאָה שֹּׁחַד

וַאֲנִי בְּתֻמִּי אֵלֵךְ

פְּדֵנִי וְחָנֵּנִי

רַגְלִי עָמְדָה בְמִישׁוֹר

בְּמַקְהֵלִים אֲבָרֵךְ יְהוָה