Psalm 61Saturday Midday 2
שִׁמְעָה אֱלֹהִים רִנָּתִיהַקְשִׁיבָה תְּפִלָּתִי
מִקְצֵה הָאָרֶץאֵלֶיךָ אֶקְרָאבַּעֲטֹף לִבִּי
בְּצוּר־יָרוּםמִמֶּנִּי תַנְחֵנִי
כִּי־הָיִיתָ מַחְסֶה לִימִגְדַּל־עֹז מִפְּנֵי אוֹיֵב
אָגוּרָה בְאָהָלְךָ עוֹלָמִיםאֶחֱסֶה בְסֵתֶר כְּנָפֶיךָ
כִּי־אַתָּה אֱלֹהִים שָׁמַעְתָּ לִנְדָרָינָתַתָּ יְרֶשֶּׁת יִרְאֵי שְׁמֶךָ
יָמִים עַל־יְמֵי־מֶלֶךְ תּוֹסִיףשְׁנוֹתָיו כַּמּוֹ דֹר וָדֹר
יֵשֵׁב עוֹלָם לִפְנֵי אֱלֹהִיםחֶסֶד וֶאֱמֶת מוּנוּ יִנְצְרֻהוּ
כֵּן אֲזַמְּרָה שִׁמְךָ לָעַדלְשַׁלְּמִי נְדָרַי יוֹם יוֹם

To English