Joseph Kenny OP: The Psalms, 68 (Hebrew)

Psalm 68

Tuesday Readings 3

יָקוּם אֱלֹהִים	יָפוּצוּ אוֹיְבָיו	וְיָנוּסוּ מְשַׂנְאָיו מִפָּנָיו
כְּהִנְדֹּף עָשָׁן תִּנָּדֵּפוּ	כְּהִמֵּס דּוֹנַג מִפְּנֵי־אֵשׁ
יֹאבְדוּ רְשָׁעִים	מִפְּנֵי אֱלֹהִים

וְצַדִּיקִים יִשְׂמְחוּ	יַעַלְצוּ לִפְנֵי אֱלֹהִים	וְיָשִׂישׂוּ בְשִׂמְחָה
שִׁירוּ לֵ־אלֹהִים	זַמְּרוּ שְׁמָו	סֹלּוּ לָרֹכֵב בָּעֲרָבוֹת
בְּיָהּ שְׂמוּ	וְעִלְזוּ לְפָנָיו

אֲבִי יְתוֹמִים	וְדַיַּן אַלְמָנוֹת	אֱלֹהִים בִּמְעוֹן קָדְשׁוֹ
אֱלֹהִים מוֹשִׁיב יְחִידִים בַּיְתָה	מוֹצִיא אֲסִירִים בַּכּוֹשָׁרוֹת
אַךְ סוֹרֲרִים	שָׁכְנוּ צְחִיחָה

אֱלֹהִים	בְּצֵאתְךָ לִפְנֵי עַמֶּךָ	בְּצַעְדְּךָ בִישִׁימוֹן
אֶרֶץ רָעָשָׁה	אַף־שָׁמַיִם נָטְפוּ

מִפְּנֵי אֱלֹהִים	זֶה סִינַי
מִפְּנֵי אֱלֹהִים	אֱלֹהֵי יִשְׂרָאֵל

גֶּשֶׁם נְדָבוֹת תָּנִיף אֱלֹהִים	נַחֲלָתְךָ וְנִלְאָה אַתָּה כוֹנַנְתָּהּ
חַיָּתְךָ יָשְׁבוּ־בָהּ תָּכִין	בְּטוֹב תָּכִיל עָנַי אֱלֹהִים

אֲדֹנָי יִתֶּן אִמְרָה	מְבַשְּׂרוֹת צָבָא רָב
מַלְכֵי צְבָאוֹת יִדֹּדוּן יִדֹּדוּן	וּנְוַת בַּיִת תְּחַלֵּק שָׁלָל
אִם־תִּשְׁכְּבוּן	בֵּין שְׁפַתָּיִם

כַּנְפֵי יוֹנָה נֶחְפָּה בַכֶּסֶף	וְאֶבְרוֹתֶיהָ בִּירַקְרַק חָרוּץ
בְּפָרֵשׂ שַׁדַּי מְלָכִים	בָּהּ תַּשְׁלֵג בְּצַלְמוֹן

הַר־אֱלֹהִים הַר־בָּשָׁן	הַר גַּבְנֻנִּים הַר־בָּשָׁן
לָמָּה תְּרַצְּדוּן	הָרִים גַּבְנֻנִּים
הָהָר חָמַד אֱלֹהִים לְשִׁבְתּוֹ	אַף־יְהוָה יִשְׁכֹּן לָנֶצַח

רֶכֶב אֱלֹהִים רִבֹּתַיִם	אַלְפֵי שִׁנְאָן אָדוֹן	יָבַם סִינַי בַּקֹּדֶשׁ
עָלִיתָ לַמָּרוֹם	שָׁבִיתָ שֶּׁבִי
לָקַחְתָּ מַתָּנוֹת בָּאָדֵם	וְאַף סוֹרְרִים לְ־שִׁכֵּן יָהּ אֱלֹהִים

בָּרוּךְ אֲדֹנָי יוֹם יוֹם	יְעָמֵּס־לָנוּ הָאֵל יְשׁוּעָתֵנוּ
הָאֵל לָנוּ אֵל לְמוֹשָׁעוֹת	וְלֵיהוִה אֲדֹנָי לַמָּוֶת תּוֹצָאוֹת
אַךְ־אֱלֹהִים יִמְחַץ רֹאשׁ אֹיְבָיו	קָדְקֹד שָׂעַר	מִתְהַלֵּךְ בַּאֲשָׁמָיו

אָמַר אֲדֹנָי־ם	בָּשָׁן אָשִׁיב	אֶשְׁבוֹם מְּצֻלוֹת יָם
לְמַעַן תִּמְחַץ רַגְלְךָ בֵּדִּים	לְשׁוֹן כְּלָבֶיךָ־ם אֹיְבִים מִנֵּהוּ

רָאוּ הֲלִיכוֹתֵי כִּי־אֱלֹהִים	הֲלִיכוֹת אֵלִי	מַלְכִּי בַקֹּדֶשׁ
קִדְּמוּ שָׁרִים	אַחַר נֹגְנִים	בְּתוֹךְ עֲלָמוֹת תּוֹפֵפוֹת

בְּמַקְהֵלוֹת בָּרְכוּ אֱלֹהִים

יְהוָה מִמְּקוֹר יִשְׂרָאֵל

שָׁם בִּנְיָמִן צָעִיר רֹדֵם	שָׂרֵי יְהוּדָה רִגְמָתָם
שָׂרֵי זְבֻלוּן	שָׂרֵי נַפְתָּלִי

צַוֵּה אֱלֹהַי כָּעֻזֶּךָ	עוּזָּה אֱלֹהִים זוּ פָּעַלְתָּ לָּנוּ־ם
הֵיכָלֶךָ עֵל יְרוּשָׁלִָם	לְךָ יוֹבִילוּ מְלָכִים שָׁי

גְּעַר חַיַּת קָנֶה	עֲדַת אַבִּירִים בְּעֶגְלֵי
עַמִּים מִתְרַפֵּס בְּרַצִּי־כָסֶף	בִּזַּר עַמִּים קְרָבוֹת יֶחְפָּצוּ

יַאֱתִיוּ חַשְׁמַנִּים מוֹנֵי מִצְרָיִם	כּוּשׁ תָּרֵץ יָדָיו לֵאלֹהִים
מַמְלְכוֹת הָאָרֶץ שִׁירוּ	לֵ־אלֹהִים זַמְּרוּ אֲדֹנָי

לָ־רֹכֵב בִּשְׁמֵי	שְׁמֵי־קֶדֶם
הֵן יִתֵּן בְּקוֹלוֹ	קוֹל עֹז

תְּנוּ עֹז לֵאלֹהִים	עֵל יִשְׂרָאֵל
גַּאֲוָתוֹ וְעֻזּוֹ בַּשְּׁחָקִים	נוֹרָא אֱלֹהִים מִמִּקְדָּשֶׁי
כִּי אֵל יִשְׂרָאֵל הוּא	נֹתֵן עֹז וְתַעֲצֻמוֹת	לָ־עָם בָּרֵךְ אֱלֹהִים