Psalm 140Friday Midday 4
חַלְּצֵנִי יְהוָה מֵאָדָם רָעמֵאִישׁ חֲמָסִים תִּנְצְרֵנִי
אֲשֶׁר חָשְׁבוּ רָעוֹת בְּלֵבכָּל־יוֹם יָגוּרוּ מִלְחָמוֹת
שָׁנֲנוּ לְשׁוֹנָם כְּמוֹ־נָחָשׁחֲמַת עַכְשׁוּב תַּחַת שְׂפָתֵימוֹ
שָׁמְרֵנִי יְהוָה מִידֵי רָשָׁעמֵאִישׁ חֲמָסִים תִּנְצְרֵנִי
אֲשֶׁר חָשְׁבוּ לִדְחוֹת פְּעָמָיטָמְנוּ־גֵאִים פַּח לִי
וַחַבָּלִים פָּרְשׂוּ רֶשֶׁתלְיַד־מַעְגָּל מֹקְשִׁים שָׁתוּ־לִי
אָמַרְתִּי לַ־יהוָה אֵלִי אָתָּההַאֲזִינָה יְהוָה קוֹל תַּחֲנוּנָי
יְהוָה אֲדֹנָי עֹז יְשׁוּעָתִיסַכֹּתָה לְרֹאשִׁי בְּיוֹם נָשֶׁק
אַל־תִּתֵּן יְהוָה מַאֲוַיֵּי רָשָׁעזְמָמוֹ אַל־תָּפֵק יָרוּמוּ
רֹאשׁ מְסִבַּי עָמַלשְׂפָתֵימוֹ יְכַסּוּמוֹ
יָמִיטוּ עֲלֵיהֶם גֶּחָלִיםבָּאֵשׁ יַפִּלֵםבְּמַהֲמֹרוֹת בַּל־יָקוּמוּ
אִישׁ לָשׁוֹן בַּל־יִכּוֹן בָּאָרֶץאִישׁ־חָמָס רָע יְצוּדֶנּוּ לְמַדְחֵפֹת
יָדַעְתָּ כִּי־יַעֲשֶׂה יְהוָהדִּין עָנִי מִשְׁפַּט אֶבְיֹנִים
אַךְ צַדִּיקִים יוֹדוּ לִשְׁמֶךָיֵשְׁבוּ יְשָׁרִים אֶת־פָּנֶיךָ

To English