LAUDS TUESDAY I

To English - To Hausa - To Arabic Psalm 24 לַיהוָה הָאָרֶץ וּמְלוֹאָהּ תֵּבֵל וְיֹשְׁבֵי בָהּ כִּי־הוּא עַל־יַמִּים יְסָדָהּ וְעַל־נְהָרוֹת יְכוֹנְנֶהָ מִי־יַעֲלֶה בְהַר־יְהוָה וּמִי־יָקוּם בִּמְקוֹם קָדְשׁוֹ נְקִי כַפַּיִם וּבַר־לֵבָב אֲשֶׁר לֹא־נָשָׂא לַשָּׁוְא נַפְשִׁי וְלֹא נִשְׁבַּע לְמִרְמָה יִשָּׂא בְרָכָה מֵאֵת יְהוָה וּצְדָקָה מֵאֱלֹהֵי יִשְׁעוֹ זֶה דּוֹר דִּרְשׁוּ מְבַקְשֵׁי פָנֵי כִּי יַעֲקֹב שְׂאוּ שְׁעָרִים רָאשֵׁיכֶם וְהִנָּשְׂאוּ פִּתְחֵי עוֹלָם וְיָבוֹא מֶלֶךְ הַכָּבוֹד מִי זֶה מֶלֶךְ הַכָּבוֹד יְהוָה עִזּוּז וְגִבּוֹר יְהוָה גִּבּוֹר מִלְחָמָה שְׂאוּ שְׁעָרִים רָאשֵׁיכֶם וּשְׂאוּ פִּתְחֵי עוֹלָם וְיָבֹא מֶלֶךְ הַכָּבוֹד מִי הוּא זֶה מֶלֶךְ הַכָּבוֹד יְהוָה צְבָאוֹת הוּא מֶלֶךְ הַכָּבוֹד To English Tobit 13:1-8 ברוך אלהים חי אשר לכול העולמים היאה מלכותו אשר הואה מכה והואה מרחם מוריד עד שאולה תחתיה והואה מעלה מתהום גדולה ומה אשר יפצה מידו. הודו לה בני ישראל לפני הגוים אשר אתמה נדחים בהון. ושמה ספרו את גודלו ורוממו אותו לפני כול חי כיא הוא אדניכמה והוא מראכון והוא אלהיכמה לכול עולמים. יכתשנכי על כל חטאיכון די יתיב ברחמין כלכמה מן כל עממיא אשר אתמה נדחים בהמה וכיא תתיבו עלוהן בכל לבכון ובכל נפשכון למעבד קושטא אדין יתפנה עליכון ולא יסתר אנפוהי מנכון עוד. וכען חזינו כל די עבד עמכמה והודו לה בכל פמכון. וברכו למרה קושטא ורוממו למלך עולמים ורוממו לה אנה בארעת שביא מהודה לה ומחוה אנה לגבורתה ורבותה קדם עם חטאין על לבבכון קושטא עבדו קדמוהי מן ידע הן תהוה סליחא לכון. ולאלהי מרומם אנה ונפשי למלך שמיא כל יומי חיי וכל ישבחו רבותה ימללון בתהלין גודלו בירושלם To English - To Hausa - To Arabic Psalm 33 רַנְּנוּ צַדִּיקִים בַּיהוָה לַ־יְשָׁרִים נָאוָה תְהִלָּה הוֹדוּ לַיהוָה בְּכִנּוֹר בְּנֵבֶל עָשׂוֹר זַמְּרוּ־לוֹ שִׁירוּ־לוֹ שִׁיר חָדָש הֵיטִיבוּ נַגֵּן בִּתְרוּעָה כִּי־יָשָׁר דְּבַר־יְהוָה וְכָל־מַעֲשֵׂהוּ בֶּאֱמוּנָה אֹהֵב צְדָקָה וּמִשְׁפָּט חֶסֶד יְהוָה מָלְאָה הָאָרֶץ בִּדְבַר יְהוָה שָׁמַיִם נַעֲשׂוּ וּבְרוּחַ פִּיו כָּל־צְבָאָם כֹּנֵס כֶּנֶד מֵי הַיָּם נֹתֵן בְּאֹצָרוֹת תְּהוֹמוֹת יִירְאוּ מֵיְהוָה כָּל־הָאָרֶץ מִמֶּנּוּ יָגוּרוּ כָּל־יֹשְׁבֵי תֵבֵל כִּי הוּא אָמַר וַיֶּהִי הוּא־צִוָּה וַיַּעֲמֹד יְהוָה הֵפִיר עֲצַת־גּוֹיִם הֵנִיא מַחְשְׁבוֹת עַמִּים עֲצַת יְהוָה לְעוֹלָם תַּעֲמֹד מַחְשְׁבוֹת לִבּוֹ לְדֹר וָדֹר אַשְׁרֵי הַגּוֹי אֲשֶׁר־יְהוָה אֱלֹהָיו הָעָם בָּחַר לְנַחֲלָה לוֹ מִשָּׁמַיִם הִבִּיט יְהוָה רָאָה אֶת־כָּל־בְּנֵי הָאָדָם מִמְּכוֹן־שִׁבְתּוֹ הִשְׁגִּיחַ אֶל כָּל־יֹשְׁבֵי הָאָרֶץ הַיֹּצֵר יַחדֶ לִבָּם הַמֵּבִין אֶל־כָּל־מַעֲשֵׂיהֶם אֵין־הַמֶּלֶךְ נוֹשָׁע בְּרָב־חָיִל גִּבּוֹר לֹא־יִנָּצֵל בְּרָב־כֹּחַ שֶׁקֶר הַסּוּס לִתְשׁוּעָה וּבְרֹב חֵילוֹ לֹא יְמַלֵּט הִנֵּה עֵין יְהוָה אֶל־יְרֵאָיו לַמְיַחֲלִים לְחַסְדּוֹ לְהַצִּיל מִמָּוֶת נַפְשָׁם וּלְחַיּוֹתָם בָּרָעָב נַפְשֵׁנוּ חִכְּתָה לַיהוָה עֶזְרֵנוּ וּמַגִנֵּנוּ הוּא כִּי־בוֹ יִשְׂמַח לִבֵּנוּ כִּי בְשֵׁם קָדְשׁוֹ בָטָחְנוּ יְהִי־חַסְדְּךָ יְהוָה עָלֵינוּ כַּאֲשֶׁר יִחַלְנוּ לָךְ

Dedication / Mary / Apostles / Martyrs / Men / Women / Advent / Week after 1 January / Lent

ORDINARY READING

Romans 13:11b-13a Ὥρα ἤδη ὑμᾶς ἐξ ὕπνου ἐγερθῆναι, νῦν γὰρ ἐγγύτερον ἡμῶν ἡ σωτηρία ἢ ὅτε ἐπιστεύσαμεν. νὺξ προέκοψεν, ἡ δὲ ἡμέρα ἤγγικεν. ἀποθώμεθα οὖν τὰ ἔργα τοῦ σκότους, ἐνδυσώμεθα δὲ τὰ ὅπλα τοῦ φωτός. ὡς ἐν ἡμέρᾳ εὐσχημόνως περιπατήσωμεν.

Week:

9

13

II:25

29

33

Benedictus